لاتنشد اسباب حبّي له .. ما دّري شلون
حبّه جبرني اشوفه غيـر كـل البشـر
سبحان من خالقه يملك جميـع الفنـون
وابسط فنونه يحط القلب فـوق الجمـر
لو قالوا الناس حبّه سبّب الك الجنـون
اقول لجله انا مجنـون طـول الدهـر
من ثقل حبّه احس اوقات جسمي بدون
عقل ومشاعر لو ان الدم منـي قطـر
حبيب قلبي لو اني خنت يبطي يخـون
لو كان قلبي معه قاسي قسـاة الحجـر
هذاك في كل خطـوه لاحقتـه العيـون
تخاف لا تفقده وتمـوت حقـد وقهـر
عواذلي لو عطونـي فيـه مايملكـون
بعيد عن عينهم حتى رشـاش العطـر
من طيبته لو يشوف الناس مايضحكون
يخاف ماتضحك العالـم عشانـه قمـر
بضحكته يجرح العـذال لـو يسكتـون
تظهر جروح العواذل لو يطول الصبر
لو يطعن القلب وش فيها مدامه يمـون
وان كان وده يزيد اعطيه كـل العمـر
جرحي مدامه من يدينه يخف ويهـون
كل شي سواه ضدي ناطله فـي بحـر
مدامني عاشقه واهل الهـوى يشهـدون
تفداه كل الحروف اللى بوسط السطـر
ماهمني من زعل والصدق ماهم يجيون
{نصه} ومن يزعل ٍ مني يصك بجـدر
هذا كلامي اقول له والعرب ينظـرون
مجنون في حب خلي لو دروبه خطـر
مالك جميع الحيّل .. مالك جميع الفنون
ابسط فعوله يحط القلب تحـت الجمـر
الإثنين أكتوبر 13, 2008 10:46 am
