انت اللي حتقوليلي النتيجة
يا بنوتااااااااااااات... احم احم... انا مجربة الحاجات دي....
أولاً: البشرة
لو عايزة بشرة ولا انعم ولا اصفى اعملي بالحرف اللي حقولك عليه:
1- هاتي حلة صغيرة او ابريق شاي وحطي فية ماء + نعناع او ملح او لو عايزة لون برونزي حطي كركم..
وخلي الماء يغلي وطبعا حضرتك حتحوطي وشك في وش البخار لحد ما تموتي هههههههههه
ممكن 10 دقايق بس دي اقل حاجة او لحد ما تحسي ان مسام وشك اتفتحت
2- طريقتي السحرية لتنظيف الأوساخ والبثور السوداء... هاتي خيط ومشيه على وشك خصوصا منطقة ال T-Zone يعني الأنف والذق والجبهة وافركي الخيط في وشك واتفرجي على الأوساخ اللي حتطلع..
3- اعملي الماسك التالي:
ترمس مطحون كويس
خميرة من عند عمو بتاع الفرن
عسل ابيض
زبادي
يا سلاااااااااااام بقى لو عندك شوية طمي مغربي.. مش مشكلة لو كان مضروب ومصري وحالتة كوسة
ولو انت بشرتك دهنية هاتي عمود كبريت من عند العطار بنسبة ملعقة ترمس مطحون مقابل ثلث ملعقة كبريت مطحون
ده غير كبريت الفرن يا حلوين
3-هاتوا بقا العك ده واخلطوه لحد ما تعملوا عجينة متماسكة نوعا ما... وهووووووووب على طول ارزعي على وشك بود تدليك... وبعد 20 دقيقية قومي زي الشاطرة بللي وشك شوية وابدئي الفرك.. بس بدون عنف...
وبعدين اغسلي............ وادعيلي كتييييييييير
4-طبعا ماتنسوش الثلج بعد غسل الوجه عشان تقفلوا المسامات وشوية ما ورد... واتفرجي على بشرة الأطفال
ممكن لو مستعجلة وعايزة ماسك في 3 دقايق عليكي وعلى النشا بماء الورد... اضربيهم على وشك لمده 3:5 دقايق بس
لو بشرتك محببة وحالتها حالة... يبقى مافيش غير ماسك الخميرة والماء لمده 10 دقايق ومن اول مرة حتحسي بفرق
لو بقى عايزة لون مخملي جميل.. هاتي جزة.... ماتاكليهااااااااااااش.... اسلقيها بس في ماء وبعدين اهرسيها بشوكة وحطيها على وشك 20 دقيقة..
لو مسمرة وحالتك حالة من الشمس وعايزة ترجعي تبرقي تاني... اخلطي ملعقة زبادي مع ملعقة دقيق لحد ما تكوني عجينة متماسكة.. وافرديها على وشك احد ما تنشف تماما وبعدين افريكي مش تغسلي وشك.. شوفي النعومة والبياض.. كمان الماسك ده بيساعد على ازالة شوية شعر من الوجه..
ياريت دايما تستعملى صابون خاص لوجهك خصوصا لو كان في مشاكل
تعتبر صابونة PEARS افضل انواع الصابون الطبيعي رائحتها جناااااااااااان
منقول بلامانه
الأربعاء أكتوبر 22, 2008 3:43 pm
